काठमाडौँ । कतारको लुसेल रंगशालामा आइतबार फिफा विश्वकपको फाइनलमा अर्जेन्टिना विजयी भएको छ । फ्रान्सलाई पेनाल्टी सुटआउटमा ४–२ ले हराउँदै अर्जेन्टिना विजयी भएको हो ।

यो खेलमा अर्जेन्टिनासँगै विश्व विख्यात ब्राण्ड एडिडास पनि विजयी भएको छ । एडिडासले अर्का विश्व विख्यात ब्राण्ड नाइकलाई पराजित गरेको हो ।

दुई ठूला स्पोर्ट्सवेयर कम्पनीबीच भएको प्रतिस्पर्धामा अर्जेन्टिनालाई प्रायोजन गर्दै आएको एडिडास विजयी भएको हो । एडिडास लामो समयदेखि अर्जेन्टिना राष्ट्रिय टोलीको प्रायोजक रहँदै आएको छ । यस्तै, फ्रान्सको राष्ट्रिय टोलीलाई नाइके इन्कले प्रायोजन गर्दै आएको छ ।

यस वर्षको विश्वकपमा सहभागी ३२ राष्ट्रमध्ये नाइकेले १३ र एडिडासले ७ टोलीमा उपलब्ध गराएको थियो ।

एडिडास विश्वकप किटहरूमा प्राथमिक नाम हो । एडिडासले जर्मनीमा भएको १९७४ फिफा विश्वकपमा १६ मध्ये ९ टोलीलाई प्रायोजित गरेको थियो ।

एडिडासलाई अर्जेन्टिनाको जर्सी धान्न कठिन

एडिडासले फिफा विश्वकप फाइनलअघि अर्जेन्टिनाका फुटबल स्टार लियोनल मेसीको जर्सीको माग पूरा गर्न कठिन हुनु पर्यो । यो मेसीको करियरको अन्तिम विश्वकप खेल भएकाले पनि यस्तो भएको एडिडासले जनाएको छ ।

एडिडासको वेबसाइटमा अर्जेन्टिनाको पुरुषको घरेलु जर्सी र अवे जर्सीको मूल्य आठ हजार रुपैयाँ पुगेको थियो । उता नाइके जर्सीको मूल्य करिब सात हजार रुपैयाँ रहेको थियो ।

४८ वर्षअघि सन् अर्थात १९७४ सम्म विश्वकप टोलीको जर्सीमा ब्राण्डको प्रदर्शन गर्न अनुमति थिएन । एडिडास सन् १९७४ को विश्वकपदेखि १३४ टोलीको जर्सी प्रायोजक रहेको छ । नाइके ६३ राष्ट्रिय टोलीको साथ दोस्रो ठूलो ब्राण्ड बन्न पुगेको छ ।

कम्पनीले कसरी कमाउँछन् पैसा ?

प्रायोजन भनेको लाखौं दर्शकहरूलाई ब्राण्डको जानकारी दिने उत्कृष्ट तरिका हो । त्यो ब्राण्डको बारेमा जति धेरै मानिसहरूलाई थाहा हुन्छ त्यति धेरै बिक्री बढ्ने छ । कम्पनीले आफ्नो सामान बेच्न पाउनेछन् । यसबाट केही पैसा आम्दानी हुनुको साथै कम्पनीको प्रतिष्ठा सुधार गर्न ठूलो मद्दत पुग्ने छ । एजेन्सी