काठमाडौँ । साताको अन्तिम कारोबार दिन बिहीबार नेप्से परिसूचक ओरालो लागेको छ । आज नेप्से १३.२९ अंकले गिरावट आउँदै १८५३.९३ विन्दुमा पुगेर रोकिएको छ ।

बुधबार सेयर बजार ५.८९ अंकले ओरालो लागेको थियो । आज २४७ कम्पनीको कारोबारमा ३० लाख १५ हजार ६०८ कित्ता सेयर किनबेच भएकोमा आज एक अर्ब आठ करोड ३९ लाखभन्दा बढीको सेयर किनबेच भएको छ ।

यस्तै, नेपाल दूरसञ्चार कम्पनीको सेयर कारोबार सर्वाधिक धेरै भएको छ । कम्पनीको १४ करोडभन्दा बढीको सेयर बिक्री भएको छ । एनआईसी एसिया बैंकको पाँच करोडभन्दा बढीको कारोबार भएको छ ।

आज १३ वटा उपसूचकमध्ये तीन कम्पनीको मूल्य वृद्धि भएको छ । सबैभन्दा धेरै अन्य सूचकको दुई प्रतिशतले वृद्धि भएको छ । बाँकी सबै उपसूचक गिरावट आएको छ ।