साम करन बने आईपीएल इतिहासकै महँगो खेलाडी

काठमाडौं । इङ्ल्यान्डका युवा अलराउन्डर साम करन इन्डियन प्रिमियर लिग (आईपीएल) अक्सनको इतिहासकै सबैभन्दा महँगो खेलाडीका रूपमा अनुबन्धित भएका छन् । शुक्रबार भएको अक्सनमा २४ वर्षीय करनलाई भित्र्याउन पन्जाब किङ्सले कीर्तिमानी १८ करोड ५० लाख भारतीय रुपैयाँ खर्चियो ।
यसअघि आईपीएल अक्सनमा दक्षिण अफ्रिकाका क्रिस मोरिस सबैभन्दा महँगोमा बिक्री हुने खेलाडी थिए । मोरिसलाई २०२१ मा राजस्थान रोयल्सले १६ करोड २५ लाखमा भित्र्याएको थियो ।
यसैगरी, आईपीएल इतिहासमा दोस्रो सर्वाधिक महँगो खेलाडी बनेका अस्ट्रेलियाका क्यामरून ग्रिन १७ करोड ५० लाख रुपैयाँमा मुम्बई इन्डियन्समा पुगेका छन् ।
शुक्रबार सम्पन्न अक्सनको तेस्रो महँगा खेलाडी बनेका इङ्ल्यान्डकै अलराउन्डर बेन स्टोक्सलाई चेन्नई सुपर किङ्सले १६ करोड २५ लाख भारतीय रुपैयाँमा भित्र्याएको छ ।
सूचीको चौथो स्थानमा रहेका वेस्टइन्डिजका निकोलस पुरनलाई लखनउ सुपर जायन्ट्सले १६ करोड भारतीय रुपैयाँमा अनुबन्ध गरेको छ ।
सुचीको पाँचौ स्थानमा रहेका इङ्ल्यान्डकै ह्यारी ब्रुक १३ करोड २५ लाख भारतीय रुपैयाँमा सनराइजर्स हैदराबादमा अनुबन्धित भएका छन् ।
अक्सनमा कुल ८० खेलाडी लिलाम भएका छन् । जसका लागि आईपीएलका १० फ्रेन्चाइज क्लबहरूले एक अर्ब ६७ करोड भारतीय रुपैयाँ खर्चिए ।









सुनचाँदीको मोल निरन्तर बढ्दो, ताेलामा कति ?
एमाले महाधिवेशनःकञ्चनपुरमा एक स्थानमा सर्वसम्मत, दुईमा निर्वाचन
यस्तो छ आज तरकारिकाे मूल्य
आगलागीका घटनामा वृद्धि
मदन भण्डारी राजमार्गअन्तर्गत बस र मोटरसाइकल ठोक्किँदा एक जनाको मृत्यु
प्रेस काउन्सिलले मेरो न्यूजलाई पत्र काटेकोमा काउन्सिलकै सदस्यकाे फरक मत
सेना परिचालन गर्न राष्ट्रपतिको स्वीकृति
पोखराको पहिलो जित, साविक विजेता जनकपुर फेरि निराश
प्रधानमन्त्रीसँग छलफल गर्न एमाले नेताहरु बालुवाटारमा
आज मंसिर १२ गते शुक्रबार, कस्ताे रहला तपाइकाे राशिफल ?
प्रतिक्रिया