काठमाडौँ । मंगलबार बिहानैदेखि उकालो लागेको नेप्से परिसूचकमा ५९.८७ अंकले वृद्धि भएको छ । योसँगै १९८३.८७ विन्दुमा पुगेर रोकिएको छ ।

साथै, २६१ कम्पनीको कारोबारमा एक करोड २० लाख २९ हजार ६०३ कित्ता सेयर किनबेच हुँदा तीन अर्ब ८८ करोड ४३ लाखभन्दा बढीको सेयर कारोबार भएको छ ।

जसमा लक्ष्मी बैंकको सेयर कारोबार सर्वाधिक भएको छ । कम्पनीको २० करोडभन्दा बढीको सेयर बिक्री भएको छ । यता नेपाल दुर सञ्चार कम्पनीको १४ करोडभन्दा बढीको कारोबार भएको छ ।

सिद्धार्थ बिमा, बहुउद्देशीय वित्तिय संस्था, अजोड बिमा र सृजनशील लघुवित्तको १० प्रतिशतले मूल्य वृद्धि भएको छ । साथै धौलागिरि लघुवित्तको मूल्य ९.९९ प्रतिशतले वृद्धि भएको हो । 

मंगलबार सबै उपसूचकहरू उकालो लागेका छ । सबैभन्दा धेरै इन्भेष्टमेन्टका ६.४३ प्रतिशत, होटल तथा पर्यटन, फाइनान्स, हाइड्रो पावरको ४ प्रतिशत बढीले वृद्धि भएको छ ।