काठमाडौँ । हुण्डाई कन्स्ट्रक्सन इक्विप्मण्ट नेपालले निर्माण व्यवसायीलाई लक्षित गरेर ‘हुण्डाई स्मार्ट प्रमिस’ योजना ल्याएको छ ।

यो योजनाअन्तर्गत कम लगानीमै राम्रो कण्डिसनको सेकेण्ड ह्याण्ड एक्जाभेटर सुपथ मूल्यमा पाउन सकिने व्यवस्था रहेको छ । ग्राहकले नयाँ उपकरणभन्दा लगभग ६० गुणा कम लगानीमै सेकेण्ड ह्याण्ड उपकरण खरिद गर्न सक्ने छन् ।

नयाँ अवस्थामा लिँदा एक करोड ५० लाख नेपाली रुपैयाँसम्म पर्ने उपकरणहरू ग्राहकले ६० देखि ९० लाख रुपैयाँमै लिन सक्ने छन् । यसअघि ३६१ घण्टादेखि बढीमा दुई हजार ९५० घण्टासम्म प्रयोग गरिएका यी सेकेण्ड ह्याण्डका उपकरणहरू अझै पनि उत्तिकै कुशल प्रदर्शन र उच्च प्रतिफल दिने अवस्थामा रहेका छन् ।

‘हुण्डाई स्मार्ट प्रमिस’का हरेक एक्जाभेटरमा नौ महिना वा हजार घण्टाको प्रयोग अवधिसम्म वारेण्टी रहेको छ । साथै, हुण्डाई मेन्टेनेन्स कन्ट्रयाक्ट (एचएमसी) प्याकेजअन्तर्गत निश्चित युनिटका एक्जाभेटरमा ६ महिना, ८ महिना वा ९ महिनाको निः शुल्क मर्मत गरिने व्यवस्था छ ।

यस योजनाका मेसिनहरू हुण्डाईको काठमाडौँ, हेटौँडा र बुटवल सोरुममा उपलब्ध छन् । ग्राहकले आफूलाई सहज हुने योजना अनुसार लागत भुक्तानी गरी उपकरणहरू खरिद गर्न सक्ने छन् ।

हुण्डाइ कन्स्ट्रक्सन नेपालको हेभी निर्माण उपकरण बजारमा प्रमुख हिस्सा ओगटेको कम्पनी हो । कम्पनीले उच्च पर्फमेन्स गर्ने ‘नेपालको नम्बर १ एक्जाभेटर’ उपकरण निर्माण गर्दछ ।

हुण्डाई कन्स्ट्रक्सनका उपकरण लामो समयदेखि निर्माण, युटिलिटी, उत्खनन र खानी उद्योगका लागि प्रमुख इक्विप्मेण्टको रूपमा रहँदै आएको छ । हुण्डाई मसिन, हेभी इक्विप्मेन्ट अपरेटरलाई कार्य सम्पादन गर्न मुख्य भूमिका खेल्दै आएको छ ।