काठमाडौँ । प्रधानमन्त्री पुष्पकमल दाहाल ‘प्रचण्ड’ले मन्त्रालयका सचिवहरूको बैठक आह्वान गरेका छन् । उनले आज बिहान ११ बजे सिंहदरबारमा सचिवहरूको बैठक आह्वान गरेका हुन् ।

बैठकमा मन्त्रालयहरूको अवस्थाबारे जानकारी लिने र प्रभावकारी ढंगले काम गर्न निर्देशन दिने प्रधानमन्त्रीको सचिवालयले जनाएको छ ।

पुस १० गते प्रधानमन्त्री पदको शपथ ग्रहण गरेका उनले सचिवहरूसँग पहिलोपटक छलफलमा बस्न लागेका हुन् ।