नेपाल टी-२० : काठमाडौंसँग लुम्बिनीको फराकिलो अन्तरको जित

काठमाडौं । लुम्बिनी अलस्टार्स नेपाल टी-२० लिगको क्वालिफायर्समा पुगेको छ । काठमाडौं नाईट्सलाई १०२ रनको फराकिलो अन्तरले पराजित गर्दै लुम्बिनी अलस्टार्स टी-२० लिगको क्वालिफायर्समा पुगेको हो ।
प्रतियोगितामा आठौं खेल जित्ने क्रममा लुम्बिनीले काठमाडौंलाई १०२ रनले हराएको हो । यो नजिता जारी प्रतियोगिताको सबैभन्दा फराकिलो अन्तरको नतिजा हो ।
लुम्बिनी अलस्टार्स ९ खेलमा ८ जित सहित १६ अंकसहित शिर्ष स्थानमा रहेको छ । यस जितसँगै लुम्बिनीले शीर्ष २ मा रहँदै क्वालिफायर्स खेल्ने पक्का भएको हो ।
लुम्बिनीले दिएको १८४ रनको लक्ष्य पछ्याएको काठमाडौं १५.४ ओभरमा ८१ रनमा अलआउट भयो ।
काठमाडौंका लागि वसिर अहमदले सर्वाधिक २२ रन बनाए । उनले ३० बलमा १ चौका सहित २२ रनमा रन आउट भए ।
कप्तान ज्ञानेन्द्र मल्लले १५ रन जोडे । कमल सिंह ऐरीले १६ रन बनाए । अन्य कुनै पनि ब्याटरले दोहोरो अंकमा रन बनाउन सकेनन्।
काठमाडौंका लागि ह्यारी टेक्टर, ईशान पाण्डे र कुशल भुर्तेलले समान २-२ विकेट लिए किशोर महतो, विपुल शर्मा, हर्मित सिंहले १-१ विकेट लिए ।
त्यसअघि, त्रिवि क्रिकेट मैदानमा टस जितेर ब्याटिङ रोजेको लुम्बिनीले निर्धारित १७ ओभरमा ६ विकेट गुमाउँदै १८३ रन बनाएको थियो ।
लुम्बिनीका ओपनर हर्मित सिंहले सर्वाधिक ७० रन बनाए। उनले ३६ बलमा २ चौका र ८ छक्का प्रहार गरे। अर्का ओपनर लहिरु मिलन्थाले २६ रन बनाए ।
गुल्सन झाले ११ बलमा २१ रन बनाउँदै अनिल खरेलबाट बोल्ड भए । कुशल भुर्तेल अभिनाश बोहराको बलमा सुनम गौतमबाट क्याच भए । ह्यारी टेक्टरले ८ बलमा १७ रन बनाए । विपुल शर्मा ५ र अनिल शाह १६ रनमा अविजित रहे ।
काठमाडौंका लागि अभिनाश बोहराले सर्वाधिक ३ विकेट लिए । वसिर अहमदले २ र अनिल खरेलले १ विकेट लिए ।









प्रि-ओपन सेसनमा नेप्से परिसूचक करिब साढे १ अंकले घट्यो
सुनचाँदीको मोल निरन्तर बढ्दो, ताेलामा कति ?
एमाले महाधिवेशनःकञ्चनपुरमा एक स्थानमा सर्वसम्मत, दुईमा निर्वाचन
यस्तो छ आज तरकारिकाे मूल्य
आगलागीका घटनामा वृद्धि
प्रेस काउन्सिलले मेरो न्यूजलाई पत्र काटेकोमा काउन्सिलकै सदस्यकाे फरक मत
सेना परिचालन गर्न राष्ट्रपतिको स्वीकृति
पोखराको पहिलो जित, साविक विजेता जनकपुर फेरि निराश
प्रधानमन्त्रीसँग छलफल गर्न एमाले नेताहरु बालुवाटारमा
आज मंसिर १२ गते शुक्रबार, कस्ताे रहला तपाइकाे राशिफल ?
प्रतिक्रिया