काठमाडौं। नेकपा माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकारले आज दोस्रो पटक मनित्रपरिषद् विस्तार गरेको छ । दुई मन्त्रालय अझैं आफैसाग राखेर प्रधानमन्त्री प्रचण्डले आज दोस्रो पटक आफनो नेतृत्वको मनित्रमण्डल विस्तार गरेका हुन् ।

उनको सरकारमा ४ जना उपप्रधानमन्त्री छन् । ३ जना भने राज्यमन्त्री छन् ।

प्रचण्ड एमाले, माओवादी, राष्ट्रिय स्वतन्त्र पार्टी, जनता समाजवादी पार्टी, नागरिक उन्मुक्ति पार्टी लगायतका दलको साथ र समर्थनमा पुस १० गते प्रधानमन्त्री नियुक्त भएका थिए । उनले पुस ११ मा शपथ ग्रह्ण गर्दा नै पहिलो चरणमा ८ सदस्यीय मन्त्रिमण्डल गठन गरेका थिए ।

पुस २६ मा संसदमा विश्वासको मत लिने क्रममा भने प्रधानमन्त्रीले राष्ट्रिय जनमोर्चाका चित्रबहादुर केसी र नेपाल मजदूर किसान पार्टी नेमकिपाका प्रेम सुवाल बाहेक सवै उपस्थित सांसदहरुबाट विश्वासको मत प्राप्त गरेका थिए ।

तर सरकार निर्माणका क्रममा नागरिक उन्मुक्ति सहभागी छैन । उसले पार्टीका सस्थापक नेता रेशम चौध्री लगायतको रिहाईको माग गरिरहेको छ । जसपा भने सत्ता गठबन्धनमा भागवन्डा लगाउँदा प्राप्त गरेको २ मन्त्रालयमा असन्तुष्ट भई मंगलबार सरकारमा सहभागी भएन । यधपी, उसका लागि २ मन्त्रालय भने प्रधानमन्त्रीले अझै आफैसाग राखेर सुरक्षित राखेका छन् ।

जसपा सरकारमा सहभागी नभए ती दुई मन्त्रालय एमाले र माओवादीका बीचमा एक एक वटा भागबन्डा लगाउने तयारीमा प्रधानमन्त्री छन् ।

प्रचण्डको क्याबिनेटमा गृह, पराराष्ट्र लगायतका महत्वपूर्ण मन्त्रालय यसपटक नयाँ अनुहारले प्राप्त गरेका छन् । सरकारमा एमालेबाट ८, आफनो पार्टी माओवादीबाट आफु बाहेक ४ मन्त्री र एक राज्यमन्त्री, राप्रपा र राष्ट्रिय स्वतनत्र पार्टीबाट तीन तीन मन्त्री र एक एक राज्यमन्त्रीलाई सहभागि गराएका छन् ।

यस्तो छ प्रचण्ड नेतृत्वको मन्त्रिमण्डल