सन् २०२३ को ओस्कार अवार्डका लागि अन्तिम नामावलीको घोषणा गरिएको छ । जसमा भारतीय फिल्म आरआरआरको नाटु–नाटु गीत उत्कृष्ट मौलिक गीतको विधामा ओस्कार अवार्डका लागि मनोनयनमा परेको छ । यो गीतलाई एमएम किरावानीले संगीत दिएका हुन् । हालै गोल्डेन ग्लोब अवार्डमा ‘नाटु–नाटु’ गीतले उत्कृष्ट गीतको अवार्ड जितेको थियो ।

ओस्कारको अन्तिम नामांकन २० विधामा घोषणा गरिएको छ, जसमा अवतारः द वे अफ वाटर र द टोपगन माभेरिकले उत्कृष्ट चलचित्रको विधामा मनोनयन पाएका छन्। त्यस्तै, इण्डियाज अल दैट ब्रीदस उत्कृष्ट डकुमेन्ट्रीका लागि र द एलिफ्यान्ट व्हिस्पर्स उत्कृष्ट डकुमेन्ट्री सर्टका लागि मनोनीत भएको छ।

फिल्ममा राम चरण जूनियर एनटीआर मुख्य भूमिकामा थिए, साथै अजय देवगन र आलिया भट्ट पनि मुख्य भूमिकामा थिए। फिल्मले विश्वभर १२ सय करोडको कलेक्सन गरेको थियो । यसले विदेशमा पनि निकै चर्चा पायो । यो फिल्म अमेरिका र जापानमा धेरै रुचाइएको थियो ।