साउथ सुपरस्टार प्रभास र बलिउड अभिनेत्री कृति सेननको इन्गेजमेन्टको खबर मिडियामा छाइरहेकाे छ । तर, प्रभासको टीमले यसलाई अस्वीकार गर्दै यो अफवाह मात्र भएको बताएको छ । यसैबीच, कृतिले आफ्नो सोशल मिडिया स्टोरीमा एक मोटिभेसनल रिल साझा गरेकी छिन्।

यो पोस्ट सेयर गर्दै कृतिले लेखेकी छिन्, ‘वर्ड’। यस पोस्टमा, ओप्रा भन्छिन्, ‘मानिसहरूले तपाईंले परिस्थितिमा के गर्नुहुन्छ भन्ने आशा गर्नुले तपाईंलाई निराशातर्फ लैजान्छ। त्यसैले मानिसहरूलाई तिनीहरू जस्तो हुन दिनुहोस् र यसलाई स्वीकार गर्नुहोस्। यसो नगर्दा तपाई यस्तो अवस्थामा फस्नु हुन्छ, जसमा तपाईको समय र ऊर्जा मात्र खर्च हुन्छ।

केही महिना अगाडि वरुण धवन र कृति सेनन टिभी रियालिटी शो ‘झलक दिखला जा’ मा ‘भेडियाे’ को प्रमोशनका लागि देखिएका थिए, जहाँ निर्माता करण जोहरले उनलाई उद्योगका केही एकल अभिनेत्रीको नाम मागेका थिए, कृतिको नाम सूचीमा थिएन । करणले सूचीमा कृतिको नाम किन छैन भनेर सोधे । जवाफमा वरुणले भनेका थिए, ‘कृतिको नाम यस लिस्टमा छैन किनभने कृतिको नाम कसैको मनमा छ र त्यो व्यक्ति अहिले मुम्बईमा छैन, उनी अहिले दीपिका पादुकोणसँग सुटिङ गरिरहेका छन् । तर, यस क्रममा वरुणले प्रभासको नाम भने लिएनन् ।