भूकम्पले टर्की र सिरियामा खतरनाक विनाश निम्त्याएको छ । दुवै देशमा मृत्यु हुनेको संख्या लगातार बढिरहेको छ । अहिलेसम्म २८ हजार १९२ जनाको मृत्यु भइसकेको छ । घाइतेको संख्या ७८ हजार नाघेको छ । यसैबीच टर्कीका ८ प्रान्तबाट लुटपाट गरेको आरोपमा ४८ जना पक्राउ परेका छन् । जसमध्ये ४२ जना हाते प्रान्तका छन् ।

टर्कीमा ६२ जना निर्माण ठेकेदारलाई पनि पक्राउ गरिएको छ । अडाना सहरमा भूकम्पका कारण भत्किएका भवनहरूलाई ध्यानमा राखेर कारबाही गर्न निर्देशन दिइएको छ ।

अर्कोतर्फ, संयुक्त राष्ट्र संघको सहायता पठाउने इकाईका प्रमुख मार्टिन ग्रिफिथ्सले भूकम्पबाट मृत्यु हुनेको संख्या दोब्बर हुनसक्ने बताएका छन् । भग्नावशेष सफा गरेपछि शव निकालिनेछ। उद्धार कार्य अन्तिम चरणमा पुगेको छ । तर कहिले रोकिने हो थाहा छैन ।