बलिउड अभिनेता सलमान खानलाई इमेलमार्फत् ज्यान मार्ने धम्की दिने एकजना युवा पक्राउ परेका छन् ।

मुम्बइ प्रहरीले अभिनेता खानलाई धम्की दिएको आरोपमा जोधपुरबाट २१ वर्षीय राम विश्नोईलाई पक्राउ गरिएको हो । यस विषयमा अनुसन्धान सुरु गरेपछि इमेल जोधपुरबाट पठाइएको पत्ता लागेको प्रहरीले जनाएकाे हाे।

सलमानलाई लामो समयदेखि ज्यान मार्ने धम्की आइरहेको छ । २०१८ मा, सलमानले कालो हरिण मारेको सम्बन्धमा उनलाई मार्ने धम्की दिएपछि लरेन्स बिश्नोईबाटका एक सहयोगीलाई पक्राउ गरिएको थियो। बिश्नोईहरू कालो हरिण आफ्नो आध्यात्मिक गुरु भगवान जम्बेश्वरको अवतार मान्छन्।