काठमाडौं । उद्योगी ब्यवसायीहरुको छाता संगठन नेपाल उद्योग वाणिज्य महासंघको वरिष्ठ उपाध्यक्षमा मतगणना जारी छ । जिल्ला नगर, एशोसिएट र वस्तुगत समुहको निर्वाचन परिणामपछि वरिष्ठ उपाध्यक्षका लागि अहिले मतगणना जारी छ । जारी मतगणनामा रामचन्न्द्र संघाई अगाडी देखिएका छन् ।

५०० मत गणना हुँदा ३ सय मतगणना हुँदाको सवैभन्दा अगाडी देखिएका उमेशलाल सवैभन्दा पछाडी परेका छन् ।

वरिष्ठ उपाध्यक्षमा अन्जन श्रेष्ठ, रामचन्द्र संघाई र उमेशलाल श्रेष्ठ प्रतिस्पर्धामा छन्।

त्यस्तै पारम्भिक मत परिणाममा रामचन्द्र संघाईले १७५ मत सहित अगाडी छन् । दोस्रोमा अन्जन श्रेष्ठ छन् । उनले १६१ मत पाएका छन् । तेस्रोमा झरेका उमेशलाल श्रेष्ठले १५६ मत पाएका छन् ।

महासंघमा वरिष्ठ उपाध्यक्षको लागि जिल्ला नगरको ५० प्रतिशत, एसोसिएटतर्फ ३० प्रतिशत र वस्तुगततर्फ २० प्रतिशत मतभार छ।
निर्वाचन जित्नका लागि जुनकुनै उम्मेदवारले पनि ५० प्रतिशत मत कटाउनु पर्ने हुन्छ । ५० प्रतिशत मत कटाउन नसकेमा बढी मत पाउने दुई प्रतिस्पर्धीका बीचमा फेरि मतदान हुनेछ ।

३०० को पारम्भिक मत परिणाममा तीनै जना उम्मेदवारका बीचमा कडा प्रतिस्पर्धा देखिएको छ । यसले फेरि दोहोरयाएर मतदान हुने पारम्भिक संकेत देखा परेको छ ।