काठमाडौँ । सन नेपाल लाइफ इन्स्योरेन्स कम्पनीको पाँचौ र छैठौं वार्षिक साधारण सभा सम्पन्न भएको छ । संचालक समितिका अध्यक्ष अनुज क्यालको अध्यक्षतामा सम्पन्न भएको साधारण सभाले संचालक समितिको वार्षिक प्रतिवेदनहरु, लेखा परीक्षकको प्रतिवेदनलगायत वित्तीय विवरण प्रतिवेदन पारित गरिएको छ ।

साधारण सभाबाट आर्थिक वर्ष २०७९/८० को लागि लेखा परीक्षक के.पि.आर. एशोसिएट्सलाई नियुक्ति गर्ने प्रस्ताव पारित भएको छ । यसका अतिरिक्त कम्पनीको प्रबन्धपत्र तथा नियमावलीमा संशोधन गर्ने तथा कम्पनीको रजिष्टर्ड कार्यालयको ठेगाना परिवर्तन गर्न प्रबन्ध पत्र तथा नियमावली संसोधन प्रस्तावसमेत पारित भएको छ ।

साधारण सभामा संचालक नीतु क्यालको स्वागत मन्तव्य, संचालक नारायण रुगटाबाट शुभकामना मन्तव्य र संचालक सदस्य किरण के.सी.ले धन्यवाद ज्ञापन गरेका थिए । उक्त साधारण सभा कम्पनी सचिव विवेक खरेलले संचालन गरेका थिए ।