काठमाडौँ । प्रधानमन्त्री पुष्पकमल दाहाल ‘प्रचण्ड’ले एसीसी प्रिमियर कप क्रिकेटमा विजेता नेपाली टोलीलाई हार्दिक बधाई ज्ञापन गरेका छन् ।

खेलाडीहरूको योगदानप्रति उच्च सम्मानसहित सरकारको तर्फबाट थप प्रोत्साहन र पुरस्कृत गर्ने प्रतिवद्धता पनि प्रधानमन्त्री दाहालले बधाईसँगै व्यक्त गरेका छन् ।

प्रधानमन्त्री ‘प्रचण्ड’को निर्देशन बमोजिम उपप्रधान तथा गृहमन्त्री नारायणकाजी श्रेष्ठ खेलाडीहरुलाई हौसला बढाउन खेल मैदान पुगेका छन् । जित पश्चात् उपप्रधानमन्त्री श्रेष्ठले सम्पूर्ण खेलाडीहरुलाई बधाई दिँदै जितको खुसी साट्ेका छन् ।

नेपाल आज युएईलाई ७ विकेटले पराजित गर्दै एसिया कप खेल्न छनोट भएको छ ।