काठमाडौं । अर्थमन्त्री डा. प्रकाशशरण महतले नेपालमा धेरै बीमा कम्पनी लाइसेन्स दिने सरकारको कदम गलत भएको बताएका छन् ।

सोमबार बीमा कम्पनीको ५५औं वार्षिकोत्सव कार्यक्रमलाई सम्बोधन गर्दै उनले धेरै बीमा कम्पनीलाई लाइसेन्स दिने सरकारको कदम ठीक नभएको बताएका हुन् ।

प्राधिकरणको अगुवाइमा बीमा कम्पनीहरू मर्जरमा जानु आवश्यक भएको उल्लेख गरे। बीमा क्षेत्र प्रतिष्पर्धी, परिणाममुखी र स्वस्थ हुन जरुरी रहेको उनको भनाइ थियो।

अर्थमन्त्री महतले धेरै बीमा कम्पनीहरूलाई लाइसेन्स वितरण गरिएको भन्दै अब कोर्ष करेक्सन जरुरी रहेको बताए।