सुनसरी । बलात्कार पछि हत्या गरेर फरार भएका दुई जना १६ वर्षपछि पक्राउ परेका छन् । धरान उपमहानगरपालिका–१२ की २५ वर्षीया ललिता राईलाई बलात्कारपछि हत्या गरेर १६ वर्षदेखि फरार रहेका धनकुटा शहिदभूमी गाउँपालिका–१ का ५६ वर्षीय चन्द्रबहादुर राई र ४४ वर्षीय कल्पन राई पक्राउ परेका हुन् ।

इलाका प्रहरी कार्यालय धरानका डिएसपी नवराज मल्लले शहिदभूमी गाउँपालिकाबाट पक्राउ गरी उनीहरूलाई जिल्ला अदालत सुनसरीबाट १० दिनको म्याद थपेर अनुसन्धान अगाडी बढाइएको जानकारी दिए । उनले पक्राउ पर्ने बित्तिकै दुवै जनाले आफूले गरेको अपराध स्वीकार गरेका जानकारी दिए ।

गत २०६४ मंसिर २३ गते धरानको बलभद्रेश्वर अरुणोदय धर्मशालामालगि ललितालाई पालैपालो बलात्कार गरेको तर ललिता चिच्याउन थाले पछि पोल खुल्ने डरले हत्या गरेर फरार भएको दुवै जनाले स्वीकार गरेको प्रहरीले जनाएको छ ।