काठमाडौं । नेपाल र भारतमा एकसाथ रिलिज हुने इन्डो–नेपाली फिल्म ‘परस्त्री’का गीतमा भारतीय गायकरगायिकाले गाउने भएका छन्।

फिल्मको हिन्दी भर्सनका लागि गीतमा अमित मिश्र, सोनल प्रधान र कुनल गञ्जवालाले गाउने भएका हुन् । तीनैजना बलिउडमा लोकप्रिय प्लेब्याक सिंगर हुन् ।

कुनाल गञ्जावालाको स्वरमा गीत रेकर्ड भइसकेको छ भने अमित र सोनलले गाउन बाँकी छ । सोनल र अमितले पनि आज गीत रेर्कड गरिने बताइएको छ ।

इन्डो–नेपाली फिल्म ‘परस्त्री’ जुन ३० अर्थात् असार १५ गते नेपाल र भारतमा एकसाथ रिलिज हुँदैछ । फिल्ममा शिल्पा मास्के, कोसिस क्षेत्री, गौरव विष्ट, अलिसा क्षेत्री, आशान्त शर्मा लगायत कलाकारको अभिनय छ ।