काठमाडौं । कारोबारको तेस्रोदिन मंगलबार शेयरबजार १९ सयको विन्दुमा उक्लिएको छ । लामो समयसम्म १८ सयको विन्दुमा कायम रहेको नेप्से सूचक आज ५१ अंकले बढेर १९४२ विन्दुमा कायम हुन पुगेको हो ।

शेयरबजारमा एकाएक उछाल आएसँगै आज कारोबार रकम समेत बढ्न पुगेको छ । नेप्सेमा सूचीकृत २७१ कम्पनीको ६० लाख ६७ हजार ४३२ कित्ता शेयर किनबेच हुँदा दुई अर्ब २० करोडमाथिको कारोबार भएको छ ।

आज सबैभन्दा धेरै कालिका लघुवित्त वित्तीय संस्था, अप्तड लघुवित्त वित्तीय संस्था, आत्मानिर्भर लघुवित्त वित्तीय संस्थाका लगानीकर्ताले कमाएका छन् । यी कम्पनीका लगानीकर्ताले १० प्रतिशतका दरले कमाएका हुन् । सामुदायिक लघुविजत्त वित्तीय संस्थाका लगानीकर्ताले ९ दशमलव ९९ प्रतिशतका दरले कमाएका छन् ।