महोत्तरी । जिल्लाको महोत्तरी गाउँपालिका २ बजारस्थित एनएमबी बैंकबाट ३८ लाख रुपैयाँ लुटपाट भएको छ । नकाब लगाएर हतियारसहित आएका चार जनाले ३८ लाख रुपैयाँ लुटपाट गरेको प्रहरीले जनाएको हो ।

मंगलबार अपराह्न साढे १२ बजे बैंकमा प्रवेश गरेका उनीहरूले कर्मचारी तथा सेवाग्राहीलाई नियन्त्रणमा लिएर पैसा लुटेका हुन् ।

यता घटनाबारे अनुसन्धान तथा लुटेराहरूको खोजी कार्य भइरहेको जिल्ला प्रहरी कार्यालय महोत्तरीले जनाएको छ ।

प्रहरीले प्राप्त सीसीटीभी फुटेज अनुसन्धान भइरहेकाले लुटेराहरू भाग्न सक्ने रुटसमेत तलास भइरहेको जनाएको छ ।