काठमाडौं । दुई लघुवित्तको सम्पूर्ण कारोबार जेठ ३२ गते एक दिनका लागि बन्द हुने भएको छ । डिप्रोक्स लघुवित्त वित्तीय संस्था लिमिटेड र आदर्श लघुवित्त वित्तीय संस्था लिमिटेडको कारोबार जेठ ३२ गते बन्द हुने भएको हाे। प्राप्ति प्रक्रिया पुरा गरी यी दुई कम्पनीले असार १ गतेदेखि एकिकृत कारोबार गर्ने भएका छन् ।

जेठ ३२ गते एक दिन कारोबार बन्द हुने हुँदा ग्राहकबर्गमा पर्न जाने असरप्रति दुबै कम्पनीले क्षमा मागेका छन् । गत असोज १४ गते डिप्रोक्स लघुवित्तले आदर्श लघुवित्तलाई प्राप्ति गर्नका लागि प्रारम्भिक सम्झौता गरेका यी दुई कम्पनीले चैत १३ गते अन्तिम सम्झौता गरेका थिए । प्राप्ति पश्चा्त डिप्रोक्स लघुवित्त वित्तीय संस्था लिमिटेडको नामबाट एकिकृत कारोबार सुरू गर्न लागेको जनाएको छ ।

प्राप्तिपछि बन्ने कम्पनीको केन्द्रिय कार्यालय चितवन , भरतपुरमा रहने कम्पनीले जनाएको छ ।