काठमाडौँ । काठमाडौँ महानगर ९ स्थित त्रिभुवन अन्तर्राष्ट्रिय विमानस्थलबाट लुकाएर लैजान लागेको नौ हजार ४१३ अमेरिकी डलरसहित एक जनालाई पक्राउ गरेको छ ।

पक्राउ पर्नेमा दोलखा बिगु गाउँपालिका ७ स्थायी वतन भएका ३६ वर्षीय प्रेम नोर्बु शेर्पालाई सोमबार दिउँसो प्रहरीले पक्राउ गरेको हो ।

नेपाल एयरलाईन्सको उडानद्वारा काठमाडौंबाट थाइल्याण्ड जान लागेका शेर्पालाई त्रिभुवन अन्तर्राष्ट्रिय विमानस्थलको प्रस्थान होल्ड व्यागेज चेकिङ एरियामा जाँच गर्ने क्रममा पक्राउ गरिएको हो ।

उनलाई बरामद विदेशी मुद्रासहित राजस्व अनुसन्धान विभाग हरिहरभवन ललितपुरमा पठाइएको छ ।