काठमाडौं । भारतमा आजबाट सुरु भएको साफ च्याम्पियनसिप फुटबल प्रतियोगिताअन्तर्गतको पहिलो खेलको पहिलो हाफमा नेपाल २ गोलले पछि परेको छ।

बैङ्लुरुको श्री कान्ताराभा स्टेडियममा जारि खेलको २३औं मिनेटमा कप्तान खालिदले पहिलो गोल गर्दै कुवेतलाई अग्रता दिलाएका थिए । त्यसपछि खेलको ४१ औँ मिनेटमा नेपालले अर्को गोल खायो। कुवेतका लागि शाहबैब अल्खादीले गोल गरेपछि अग्रता २-० मा पुर्‍याए।

समूह ए मा रहेको नेपालले दोस्रो खेल शनिबार भारतसँग र मंगलबार पाकिस्तानसँग खेल्नेछ ।