काठमाडौँ । उपप्राध्यापकलाई कुटपिट गर्ने नेपाल विद्यार्थी संघ (नेविसंघ)का कार्यकर्ताको मुद्दा फिर्ता लिने सरकारको निर्णयविरुद्ध सर्वोच्च अदालतले अन्तरिम आदेश जारी गरेको छ ।

आफूलाई कुटपिट गरेको भन्दै त्रिभुवन विश्वविद्यालयका उप प्राध्यापक प्रेम चलाउनेले सर्वोच्चमा हालेको रिटमामा अन्तरिम आदेश जारी भएको हो ।

उप प्राध्यापक चलाउनेको पक्षमा रिट लिएर सर्वोच्च पुगेकी अधिवक्ता राधिका खतिवडाले न्यायाधीश मनोजकुमार शर्माको इजलासबाट अन्तरिम आदेश जारी भएको बताइन् ।