काठमाडौँ । एसीसी इमर्जिङ टिम्स एसिया कपको पहिलो खेलमा पाकिस्तान ए विरुद्ध पहिला ब्याटिङ थालेको नेपालले ६ ओभरमै तीन विकेट गुमाएको छ । नेपालका कप्तान रोहित पौडेलसहित दुबै ओपनर सस्तैमा आउट भएका छन् ।

ओपनर मोहमद शेख १२ र कुशल भुर्तेल १ रन बनाउँदै आउट भएका छन् ।

भुर्तेल टिमको स्कोर १४ रन हुँदा सहबाज धानीको बलमा बोल्ड भएका हुन् । शेख पनि धानीकै बलमा मोहमद तयबको हातबाट क्याच भए ।
रोहित पौडेल ४ बलमा ४ रन बनाएर आउछ भए ।

साविक विजेता समेत रहेको पाकिस्तान ए सिनियर टिमबाट खेलिसकेका मोहम्मद हरिसको कप्तानीमा मैदान उत्रिएको छ ।

प्रतियोगितामा नेपाल समूह ‘बी’ मा परेको छ । नेपालको समूहमा भारतको ‘ए’ टोली, पाकिस्तानको ‘ए’ टोली र संयुक्त अरब इमिरेट्स (यूएई) को ‘ए’ टोली छन् ।

नेपाली टोलीको कप्तानी रोहित पौडेल र पाकिस्तानको कप्तानी मोहम्मद हारिसले गरिरहेका छन् ।

इमर्जिङ टिम्स एसिया कपको तीन संस्करण खेलेको नेपालले दुई खेलमा मात्र जित हात पार्न सकेको छ । नेपालले दुवै पटक हङकङलाई हराएको थियो ।

इमर्जिङ टिम्स एसिया कपमा नेपालले आफ्नो दोस्रो खेल १७ तारिखमा भारतको ‘ए’ टोलीसँग खेल्ने छ । यसैगरी समूहगत चरणको तेस्रो तथा अन्तिम खेल नेपालले जुलाई १९ तारिखमा यूएईसँग खेल्ने छ ।

समूहगत चरणको खेलपछि अंक तालिकाको पहिलो र दोस्रो स्थानमा रहने टोली नकआउट चरण प्रवेश गर्ने छन् । प्रतियोगिताको दुवै सेमिफाइनल खेल २१ तारिखमा खेलिने छ । फाइनल खेल २३ तारिखमा हुने छ ।