काठमाडौं । सुन जस्तो देखिने पहेँलाे रङकाे धातु र अवैध बिदेशी मुद्रासहित एक भारतीय नागरिक पक्राउ परेका छन् ।

मंगलबार INDIGO Air को उडानद्वारा काठमाण्डौबाट दिल्ली प्रस्थान गर्न लागेका अतुल अरुन अम्बाट्करलाइ प्रहरीले प्रतिबन्धित भा.रु.५०० दरको नोट ६३३ थान, २००० दरको नोट ९ थान गरी तीन लाख चौतिस हजार पाँच सय रुपैया र सुन जस्तो देखिने पहेलो रंगको धातुको ब्रासलेटसहित पक्राउ परेकाे हाे ।

अतुलले अवैध रुपमा भन्सार छलि लुकाई छिपाई उक्त सामान दिल्ली लैजान लागेका थिए । उनलाई पक्राउ गरी आवश्यक अनुसन्धानको लागि त्रिभुवन विमानस्थल भन्सार कार्यालय, गौचर पठाईएको छ ।