हुम्ला / हुम्लाको सदरमुकाम सिमकोटदेखि ३२ कोष दुरीमा रहेको सर्केगाड गाउँपालिका वडा–८ रादेउ, २ रिप गाउँ र ३ उनापानीमा ठूलो पहिरो जाँदा लाखौंको क्षति भएको छ । गएरातिदेखि परेको अविरल वर्षाका कारण आएको बाढीपहिरोले बस्ती पनि जोखिममा परेको छ ।

सार्केगाडका रादेउ, उनापानी र रिप गाउँमा ठूलो पहिरो जाँदा बस्ती जोखिममा परेको हो । ासाथै त्यहाँ लाखौंको क्षति भएको छ । पहिरो जाँदा पुल–पुलेसा, खेतबारी, घर र सडकहरुमा क्षति पुर्याकएको स्थानीयले बताएका छन् । रादेउमा पुल–पुलेसा, घट्ट, काठेपुल र खेतबारी बगाएको हुँदा गाउँ नै जोखिममा परेको छ ।

स्थानीय रामबहादुर रोकायाको घरमा पहिरोले क्षति पुर्या,एको स्थानीय प्रकाश ऐडीले बताए ।

रिपमा २३० घरधुरी रहेको र गाउँ वरपरका खेतबारीमा पहिरो जाँदा त्यहाँ रहेका सबै गाउँले नै त्रसित अवस्थामा रहेको स्थानीयले बताएका छन् । गाउँका मान्छेहरु बाहिर निस्किन नसेकेको अवस्था छ। वरिपरिका खोलानालाहरु बढेर गाउँ पसेका छन् भने भएका पुलहरु सबै बगेका छन्।

उनापानीमा भने तातोपानी लघुविद्युत् आयोजनाको पावर हाउसमै पहिरोले क्षति पुर्यासएको छ । त्यस गाउँमा रहेका तातोपानीका कुण्डहरु सबै पुरिएका छन् । खानेपानीका मुहान पुरिनुका र २५, २६ हेक्टरमा लगाइएको धान खेत पहिरोले बगाएको स्थानीय एमबी थापाले बताएका छन् ।

निरन्तरको वर्षा र पहिरोको त्रासले उद्धार टोलीका लागि समेत सर्केगाड पुग्न हम्मेहम्मे परेको छ । जिल्लाबाट प्रहरी निरीक्षक राजन भट्टराईको नेतृत्वमा ३० जनाको प्रहरी, लप्टन पवन पन्तको नेतृत्वमा २५ जना र सशस्त्र प्रहरी १५ जना गरि ७० जना बिहान सिमकोटबाट पहिरोको अनुगमन र पीडितहरुको उद्धारमा गएका छन् ।

नागरिकलाई सुरक्षित स्थानमा सार्न नेपाली सेनाको हेलिकप्टर तयारी अवस्थामा रहेको र केही समयमा हुम्ला उड्ने बताइएको छ ।