काठमाडौं । प्रहरीले निर्घात कुटपिट गरेको भन्दै कारबाही गर्न मागसहित एक व्यवसायीले प्रहरीमा निवेदन दिएका छन् ।

बालुवाटारमा मोटरसाईकल मर्मत व्यवसाय गर्दै आएका बाराका मुन्ना गिरीले आफूमाथि निर्घात कुटपिट भएको भन्दै प्रहरी प्रधान कार्यालयमा बिहिबार निवेदन दिएका हुन् ।

उनले गत बुधबार आफु पसलमा काम गरिरहेका बेला चार जनाको समुह आइ एक्कासी कुटपिट गरेको बताए । उनीहरुले आफुलाई बोल्ने कुनै मौका नदिइ घसिट्दै सडकमा ल्याएर रडले निर्घात कुटपिट गरेको उनले निवेदनमा उल्लेख गरेका छन् ।

कुनै गल्ति नगरी अपहरण शैलीमा प्रहरी कर्मचारीले नै कुटपिट गर्दा आफ्नो शारिरिक र मानसिकतामा चोट पुगेको बताउँदै उनले कारवाहीको माग गरेका छन् ।

निवेदन :