काठमाडौं । १ क्विन्टल सुन तस्करी प्रकरणमा आज तीन चिनियाँ नागरिक पक्राउ परेका छन् । प्रहरीको केन्द्रीय अनुसन्धान ब्यूरो सीआईबी)ले दुई पुरुष र एक महिला चिनियाँ नागरिकलाई पक्राउ गरेको हो ।

उनीहरुको साथबाट नगद ३१ लाख नेपाली रुपैयाँ समेत बरामद भएको सीआईबीले जानकारी दिएको छ।

पक्राउ पर्नेमा चिनियाँ नागरिकहरु गाउ हुइ, झोङ सेक चिन र ताङ पिङ (महिला) रहेको सुन प्रकरण अनुसन्धान गरिरहेका एक अधिकृतले जानकारी दिए ।

त्रिभुवन अन्तर्राष्ट्रिय विमानस्थलको भन्सार कार्यालयबाट जाँचपास भएर निस्किएको अवस्थामा राजस्व अनुसन्धान विभागले साउन २ गते ठूलो मात्रामा सुन बरामद गरेको थियो।