काठमाडौँ । अध्यागमन विभागका महानिर्देशक झलकराम अधिकारी गृहमन्त्रालयमा तानिएका छन् ।

६० किलो सुन तस्करीमा संलग्न बेल्जियन नागरिक दावा छिरिङसँग सामाजिक सञ्जालमा सम्पर्क देखिएको भन्दै उनलाई छानबिनका लागि मन्त्रालयमा झिकाइएको गृहमन्त्रालयको स्रोतले जनाएको छ ।

अधिकारीले सुन तस्करी प्रकरणमा हिरासतमा रहेका दावा छिरिङसँग पटक-पटक सम्पर्कमा रहेर कुराकानी गरेको म्यासेजसहितका विवरण सार्वजनिक भएका थिए।