काठमाडाैं । बलिउड अभिनेता अर्जुन कपुर र मलाइका अराेराकाे डेटिङ खबर बेला-बेला मिडियामा आइरहेका हुन्छन् । उनीहरू कैयौं पार्टी तथा कार्यक्रमहरूमा सँगै सहभागी भइरहेका पनि देखिन्छन् । दुवैको प्रेमचर्चा सुरु भएको करिब तीन वर्ष भइसकेको छ ।

यसैबीच यो जोडीको ब्रेकअप भएको भन्दै खबरहरु सार्वजनिक भइरहेका छन्। जुन खबरलाई अझै हावा दिने काम गरेको छ अर्जुन एक्लै घुम्न जानुले ।

अर्जुनले हालै एक्लै छुट्टि मनाइरहेका तस्वीरहरू सामाजिक सञ्जालमा पोस्ट गरेका छन् । आफ्नो इन्स्टाग्राम ह्यान्डलमा तस्बीर पोष्ट गर्दै उनले लेखेका छन्, ‘जीवन छोटो छ । आफ्नो ‘विकेन्डस्’ लामो बनाउनुहोस्।’ यही पाेष्ट देखेर उनीहरुका फ्यानले ब्रेकअप भएको आँकलन गरिरहेका हुन् ।

यद्यपि हालसम्म अर्जुन र मलाइकाले यस अफवाहबारे कुनै प्रतिक्रिया दिएका छैनन् ।