काठमाडौं । जिल्ला अदालत, काठमाडौंले सुन तस्करीमा संलग्नताको आरोपमा पक्राउ परेका राहुल महरालाई ५ दिन हिरासतमा राख्न अनुमति दिएको छ ।

विद्युतिय चुरोट (भेप) मार्फत भएको करिव ९ किलो सुन तस्करीमा अनुसन्धानका लागि नेपाल प्रहरीको केन्द्रीय अनुसन्धान ब्यूरो (सीआईबी)ले माओवादी उपाध्यक्ष कृष्णबहादुर महराका छोरा राहुललाई बुधबार पक्राउ गरेको थियो ।

उनलाई संगठित अपराधमा अनुसन्धानका लागि म्याद थपका लागि अदालत लगिएको थियो ।
प्रहरीले १० दिन समय मागेको थियो । तर अदालतले ५ दिन दिएको छ ।

सुन तस्करी प्रकरणमा पूर्वसभामुख कृष्णबहादुर महरा पनि मुछिएका छन् । उनले पनि तस्करहरूसँग टेलिफोन सम्वाद गरेको देखिएको सिआईबीले जिल्ला सरकारी वकिलको कार्यालयमा बुझाएको प्रतिवेदनमा उल्लेख छ ।