बझाङ । बझाङमा जंगलबाट ल्याएको विषालु च्याउको तरकारी खाँदा एक बालक र बालिकाको मृत्यु भएको छ।

मृत्यु हुनेमा जयपृथ्वी नगरपालिका–६ नौराका ७ वर्षिया सञ्जिला कठायत र १२ वर्षिय सुदीप कठायत छन्।

मंगलबार जंगली च्याउको तरकारी खाएर आमा पुनी कठायत र दुई बालबालिका बिरामी परेपछि उपचारका लागि जिल्ला अस्पतालमा भर्ना गरिएको थियो।

त्यहाँ बालिकाको उपचार सम्भव नभएपछि थप उपचारको लागि डडेलधुरा लैजाँदै गर्दा उनको बाटोमै मृत्यु भएको हो ।

बालकलाई पनि धनगढी ल्याउने क्रममा बिहिवार राती नै बाटोमा मृत्यु भएको हो।

आमा पुनी कठायतको उपचार जारी छ।