काठमाडौं । आइसीसी वुमन्स टी-२० विश्वकप एसिया क्षेत्र छनोटको आफ्नो दोश्रो खेलमा नेपाल फराकिलो अन्तरले विजयी भएको छ ।

पहिलो खेलमा मलेसियालाई ५ रनले हराएको नेपालले दोस्रो खेलमा बहराइनमाथि १० विकेटको सहज जित निकालेको हो।

जितका लागि चाहिएको ३२ रनको लक्ष्य नेपालले २ ओभर ५ बलमा पूरा गर्‍यो । नेपालको जितमा कविता कुँवर १७ रन र सीता राना मगरले २ रनको योगदान गरे ।

यसअघि टस जितेर पहिले ब्याटिङ गरेको बहराइनले १५ ओभर ४ बलमा सबै विकेट गुमाएर ३१ रन बनायो ।

बहराइनका लागि दिपिका रासाङ्गिकाले सर्वाधिक ११ रन जोडिन् । इशारा सुहुनले ५ रन बनाइन् ।

नेपालका लागि इन्दु वर्माले ३, खुसी डंगोलले २ तथा कप्तान रुविना क्षेत्री, कविता कुँवर र पूजा महतोले एक(एक विकेट हात पारे ।