काठमाडौं । काठमाडौंको पेप्सीकोला–काँडाघारी सडकखण्डमा आज बिहान भएको सवारी दुर्घटनामा एक जनाको मृत्यु भएको छ ।

उपत्यका ट्राफिक प्रहरी कार्यालयका प्रवक्ता वरिष्ठ प्रहरी उपरीक्षक राजेन्द्रप्रसाद भट्टका अनुसार दुर्घटनामा सर्लाही घर भएका २८ वर्षीय राज भट्टराईको मृत्यु भएको हो।

आइतबार बिहान करिब ७ बजेतिर जडीबुटीबाट पेप्सीकोलातर्फ जाँदै गरको बा३ख ४८४८ नम्बरको बस र विपरीत दिशाबाट आउँदै गरेको बा६च ५३४२ नम्बरको बोलेरो जिप एकआपसमा ठोक्किंदा दुर्घटना भएको थियो ।

भट्टराई बा. प्र ०२-०४१ प ४८३८ नम्बरको मोटरसाइकलमा सवार थिए।

दुर्घटनामा १३ जना घाइते भएका छन् । उनीहरुको पेप्सीकोलास्थित मदरल्याण्ड अस्पताल र नयाँ बानेश्वरस्थित सिभिल अस्पतालमा उपचार भइरहेको छ ।