काठमाडौं । साता दोस्रो दिन अर्थात सोमबार सुनको मूल्य बढेको छ ।

नेपाल सुनचाँदी व्यवसायी महासंघका अनुसार आइतबार प्रतितोला १ लाख १२ हजार ६ सयमा कारोबार भएको छापावाल सुन आज सोमबार तोलामा ४ सय रुपैयाँले बढेर प्रतितोला १ लाख १३ हजारमा कारोबार भइरहेको हाे ।

त्यस्तै, आज तेजावी सुनको भाउ पनि तोलामा ४ सय रुपैयाँले बढेर प्रतितोला १ लाख १२ हजार ४ सय ५० रुपैयाँमा कारोबार भइरहेको छ ।

आज चाँदीको भाउ पनि ५ रुपैयाँले बढेर प्रतितोला १ हजार ४ सय ६५ रुपैयाँमा कारोबार भइरहेको छ ।