आज भदौ २३ गते शनिबार । भदौ कृष्ण दशमी पञ्चाङ्ग : व्यतिपात वणिज आर्द्रा

मेष
ज्ञान र दक्षता बढ्ने छ । कार्यक्षेत्रमा आफ्नो सीप र कौशलको प्रदर्शन गर्ने अवसर मिल्नेछ । सिनियर कर्मचारी वा मालिकको स्याबासी पाउन सकिनेछ ।

बृष
नयाँ परियोजना शुभारम्भका लागि उपयोगी दिन हो । परिवारबाट अपेक्षित सहयोग एवं सद्भाव मिल्ने दिन छ । आत्मविश्वास र दृढतामा बृद्धि हुनेछ ।

मिथुन
मानसम्मान र प्रतिष्ठा बढ्ने छ । पेसागत उन्नतिका लागि गरेको प्रयास सार्थक बन्नेछ ।

कर्कट
आध्यात्मिक र दार्शनिक क्रियाकलापमा मन आकर्षित बन्नाले काममा निष्ठाको कमी हुनेछ । सिनियर्स वा आफन्तले निराशा र वैमनस्यता प्रकट गर्नेछन् ।आर्थिक विषयले तनाव बढ्नेछ ।

सिंह
साथीभाइको सुझाव पनि मार्गदर्शक बन्नसक्छ, तर प्रतिद्वन्द्वी र शत्रुहरूको क्रियाकलापप्रति सजग र सतर्क रहने प्रयास गर्नुपर्छ । रोकिएको काम बन्ने छ ।

कन्या
कर्मक्षेत्रमा दिलचस्पी जाग्ने छ । आलस्य त्यागेर मिहिनेत गरेमा राम्रो उपलब्धि हासिल हुने दिन हो ।

तुला
आफन्त वा छरछिमेकको काममा खट्नुपर्ने समय छ, घरव्यवहारकै काममा पनि व्यस्तता रहनेछ । आज बहुप्रतीक्षित अभिलाषा र इच्छाको पूर्ति हुने दिन हो ।

वृश्चिक
अस्वस्थ शरीर लिएर काममा जुट्नुपर्ने बाध्यता हुनेछ, तापनि प्रयत्न गर्दा लाभमूलक क्षेत्रको पहिचान गर्न सकिने छ । ससाना कुरामा झैझगडा मानसिक तनाव बढ्न सक्छ, रिस आजको शत्रु हो भन्ने ठानी हरेक समयमा धैर्य र संयम रहनु होला ।

धनु
लामो समयपछि एकान्तमा बस्न पाउने र रमाउने समय छ। भौतिक उपकरण वा सुखसुविधाको वस्तु खरिद गर्ने समय हो, नयाँ लगानी गर्नु छ भने जीवनसाथीको नाममा सुरु गर्नुहोस्, फाइदा हुनेछ ।

मकर
स्वभावमा अस्वाभाविकता देखा पर्नेछ, कलहबाट टाढिएको जाती हुन्छ । नजिकै कुनै परीक्षा वा प्रतिस्पद्र्धा आएको छ भने खेलवाड र मनोरञ्जनलाई पूणर्तया त्यागेर थप मिहिनेत गर्नु समुचित हुनेछ ।

कुम्भ
अध्ययनका विषयवस्तुप्रति गम्भीर बन्ने समय आएको छ । पढाइमा लगाव बढाउनुहोस्, सोचेको रिजल्ट पाउन सकिने छ । आत्मबल र सामथ्र्य प्रदर्शन गरी अरुलाई प्रभावित बनाउन सकिने छ, जसबाट महत्त्वपूर्ण उपलब्धिको बाटो खुल्नेछ ।

मीन
घरायसी परिबन्दले कामको अनुकूलता नमिल्नाले मन एकतमासको हुने दिन हो । कसैसँग सहयोगको अपेक्षा गरेमा निराश हुनुपर्दैन ।