काठमाडौं । राष्ट्रपति कार्यालयका सहसचिव शेरजंग कार्कीको निधन भएको छ । कार्कीको शुक्रबार बिहान थापाथलीस्थित नर्भिक अस्पतालमा निधन भएको हो ।

शारीरिक अस्वस्थतापछि उपचारका लागि नर्भिक अस्पतालमा लगिएका कार्कीलाई अस्पताल ल्याउनेबित्तिकै मृत घोषणा गरिएको नर्भिक अस्पतालले जनाएको छ । उनमा के रोग थियो भन्ने खुल्न सकेको छैन ।

कार्की गत असार २० देखि राष्ट्रपति कार्यालयको कानुन महाशाखामा कार्यरत थिए । त्यसअघि उनी अख्तियार दुरुपयोग अनुसन्धान आयोगमा कार्यरत थिए । उनकै नेतृत्वमा अख्तियारले पशुपतिको जलहरी प्रकरणको अनुसन्धान गरेको थियो ।