काठमाडौं । पश्चिम नवलपरासीमा करेन्ट लागेर एक जनाको मृत्यु भएको छ ।

विद्युत्को खम्बामा बल्दै गरेको बत्ती निभाउने क्रममा रामग्राम नगरपालिका–७ बस्ने जयप्रकाश यादवलाई करेन्ट लागेको हो ।

उनी आज बिहान ६ः०० बजे सोही वडाको उजैनीमा रहेको खम्बाको बत्ती निभाउन गएका थिए । सो क्रममा उनलाई करेन्ट लागेको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक रेशम बोहराले बताए ।

करेन्ट लागेका यादवलाई उपचारका लागि जिल्लाको पृथ्वीचन्द्र अस्पतालमा ल्याइएको थियो । उनलाई अस्पतालका डाक्टरले उपचारका क्रममा मृत्यु भएको घोषणा गरेको थियो । यादवलाई करेन्ट लागेको स्थानमा वाइफाइ तथा अन्य तार भुइँसम्म लत्रिएको अवस्थामा रहेको स्थानीयको भनाइ छ ।