काठमाडौं । १९औं एशियन गेम्समामा आयोजक राष्ट्र चीनले शनिबार पनि अग्रता कायम गरेको छ ।

११४ स्वर्ण, ६८ रजत र ३४ कास्य पदकसहित कुल २१६ पदक जितेर आफूलाई पहिलो स्थानमा राख्न चीन सफल भएको हो ।

त्यस्तै २८ स्वर्ण, ३८ रजत र ३८ वटा कास्य पदक जित्दै जापान दाेस्राे स्थानमा छ भने दक्षिण कोरिया तेस्रो स्थानमा रहेको छ । उसले २७ स्वर्ण, २९ रजत र ५३ कास्य गरी कुल १०९ पदक हात पारेको छ ।

४५ देशले भाग लिएको यस एशियन गेम्समा कुल ३४ देशले पदक जितेका छन् भने २४ देशले अहिलेसम्म स्वर्ण पदक जित्न सफल भएका छन् ।