काठमाडौं । संविधानसभा सदस्य तथा नेकपा(एमाले) लुम्विनी प्रदेश कमिटी सचिवालय सदस्य शान्तीदेवी चमार माओवादी केन्द्रमा प्रवेश गरेका छन् ।

प्रधानमन्त्री तथा माओवादी केन्द्रका अध्यक्ष पुष्पकमल दाहाल , माओवादी सचिव तथा लुम्बिनी प्रदेश इन्चार्ज हितमान शाक्य सुमन लगायतले उनलाई पार्टीमा स्वागत गरेका हुन् ।

प्रधानमन्त्रीको सरकारी निवास बालुवाटारमा पुगेर चमारले माओवादी प्रवेश गरेकी हुन् । उनीसँगै एमाले लुम्बिनी प्रदेश कमिटी सदस्य रामविलास यादव र कपिलवस्तु जिल्ला कमिटी सचिवालय सदस्य सन्दिप मौर्यले पनि एमाले परित्याग गरेका छन् । उनीहरु सबै माओवादीमा प्रवेश गरेका हुन् ।

त्यस्तै, सामाजिक एवं राजनीतिक अभियन्ता संजय पासी पनि सोही कार्यक्रमबाट माओवादीमा प्रवेश गरेका हुन् । पार्टी प्रवेश गराउँदै माओवादी अध्यक्ष प्रचण्डले उचित जिम्मेवारी पार्टीमा दिइने बताएका थिए ।