काठमाडौं । काठमाडौंको भद्रकाली मन्दिरनजिक सभागृह मोडमा नेपाली सेनाको ट्रकले ठक्कर दिँदा स्कुटर चालकको मृत्यु भएको छ।

बिहीबार राति साढे ७ बजे काठमाडौं‌ महानगरपालिका-२८ स्थित भद्रकाली नजिकै सभागृह मोडमा सेनाको ७.५ टन ट्रकले ठक्कर दिँदा स्कुटर चालक ३२ वर्षीया युवतीको मृत्यु भएको हो।

ट्रकको ठक्करबाट गम्भीर घाइते भएकी आकृतिलाई उपचारका लागि ट्रमा सेन्टर पठाइएको थियो। राति ८ बजे डाक्टरले उनलाई मृत घोषित गरेका थिए।

प्रहरीले घटनाको थप अनुसन्धान अघि बढाएको छ।