काठमाण्डौ । अस्ट्रेलियाका ओपनिङ ब्याट्सम्यान डेभिड वार्नरले भारतका पूर्वक्रिकेटर सचिन तेन्दुलकरको कीर्तिमान तोडेका छन् ।

वार्नरले आईसीसी एकदिवसीय क्रिकेट विश्वकपमा सबैभन्दा छिटो १ हजार रन बनाउने तेन्दुलकरको रेकर्ड तोडेर नयाँ कीर्तिमान बनाएका हुन् । भारतमा भइरहेको एकदिवसीय विश्वकप अन्तर्गत भारतसँगको खेलमा वार्नरले यस्तो रेकर्ड बनाएका हुन् ।

वार्नरले १९ पारीमा एक हजार रन पूरा गर्दै कीर्तिमान बनाएका हुन् । यसअघि एकदिवसीय विश्वकपमा सबैभन्दा छिटो १ हजार रन पूरा गर्ने कीर्तिमान सचिन तेन्दुलकरको नाममा थियो । उनले २० पारीमा यो कीर्तिमान बनाएका थिए ।