काठमाडौँ । एक दिवसीय वल्डकपमा श्रीलंकाले पाकिस्तानलाई ३४५ रनको कठिन लक्ष्य दिएको छ ।

भारतको हैदरावादमा भएको आठौँ खेलमा श्रीलंकाले टस जितेर पहिला ब्याटिङको निर्णय लिएको थियो ।

टस हारेर पहिला फिल्डिङ रोजेको पाकिस्तानका बलरले सोचेजस्तो प्रदर्शन गर्न सकेनन् । फलस्वरुप श्रीलंकाले ५० ओभर पूरै खेल्दै ९ विकेट गुमाएर ३४४ रन बनायो ।

श्रीलंकाका लागि कुशल मेण्डिस र सुधिरा समराविक्रमाले शतकीय पारी खेले । मेण्डिजले ७७ बलमा १२२ रन बनाए । समराविक्रमाले ८९ बलमा १०८ रन बनाए ।

पाथुम निशंकाले अर्धशतकीय पारी खेले । उनले ६१ बलमा ५१ रन बनाए ।

पाकिस्तानका लागि हसन अलिले ४ र ह्यारिस रफले २ विकेट लिए ।

दुबै टिमको यो दोस्रो खेल हो । दुवै टिमले पहिलो खेल जितेका छन् ।