काठमाडौं । कांग्रेसबाट नवनियुक्त मुख्यमन्त्री केदार कार्कीले मन्त्रिपरिषद विस्तार गर्ने भएका छन् । कांग्रेसबाट नवनियुक्त मुख्यमन्त्री केदार कार्कीले शपथपछि आजै सोनो मन्त्रिमण्डल गठन गर्ने भएका हुन्।

कोशी सरकारमा नेपाली कांग्रेस र नेकपा एमालेबाट आइतबार दुईजना मन्त्री बन्न लागेका हुन् ।

एमालेबाट राम राना र कांग्रेसबाट शमशेर राई मन्त्री बन्ने भएकाे बुझिएको छ । उनीहरू दुवैजना इलामका हुन्।

कांग्रेसका प्रदेश सभा सदस्य कार्की नेता डा.शेखर कोइराला समूहका ८ र एमालेका ३९ जना सांसदहरुको समर्थनमा शनिबार मुख्यमन्त्री नियुक्त भएका थिए ।

प्रदेश प्रमुख परशुराम खापुङ्गले कार्कीको पक्षमा ९३ सदस्यीय प्रदेश सभाको बहुमत संख्या ४७ जनाले सनाखत गरेको घोषणा गर्दै संविधानको धारा १६८ को उपधारा (५) अनुसारको मुख्यमन्त्री नियुक्त गरेका थिए ।