विराटनगर । कोसी प्रदेशसभाको बैठक आगामी कात्तिक १ गते बस्ने भएको छ ।

प्रदेशसभा सचिवालयले आज एक सूचना जारी गर्दै कात्तिक १ गते बुधवारका लागि बैठक बस्ने सूचना जारी गरेको हो । बैठक बुधबार बिहान ११ बजे बस्ने गरी आह्वान गरिएको छ ।

तत्कालीन मुख्यमन्त्री हिक्मत कार्कीले विश्वासको मत लिनुअगावै पदबाट राजीनामा दिएपछि असोज २० गते बैठक स्थगित गरिएको थियो ।

कात्तिक १ गते बस्ने बैठकमा मुख्यमन्त्री केदार कार्कीले विश्वासको मत लिने सम्भावना छ ।

मुख्यमन्त्री कार्कीले आइतबार पद तथा गोपनीयताको शपथ लिएका थिए । उनले हिजो शपथ लिएपछि तत्कालै विश्वासको मत लिने तयारी गरेका हुन्।