काठमाडौ । आईसीसी टी-२० विश्वकप एसिया क्षेत्र छनोट क्रिकेट अन्तर्गत आफ्नो पहिलो खेलमा नेपाल आठ विकेटले विजयी भएको छ ।

किर्तिपुरस्थित त्रिवि मैदानमा सिंगापुरले दिएको १४६ रनको लक्ष्य नेपालले १६.३ ओभरमा मात्र २ विकेटको क्षेतिमा पुरा गरेको हो ।

नेपालका लागि ओप्नर कुशल भुर्तेलले सर्वाधिक ७४ रन बनाए । कप्तान रोहित पौडेल ३५ रनमा अविजित रहे । आसिफ शेख २७ रन बनाएर आउट भए ।

टस जितेर पहिला ब्याटिङ गरेको सिंगापुरले निर्धारित २० ओभरमा ९ विकेट गुमाएर १४५ रन बनाएको थियो ।

समुह चरणको दोस्रो खेलमा नेपालले भोलि मंगलबार मलेसियासँग खेल्नेछ। समुह चरणको अन्तिम खेलमा बिहिबार ओमानसँग खेल्ने तालिका छ।