काठमाडौं । पश्चिम नेपालको जाजरकोट रामीडाँडा केन्द्रविन्दु बनाएर शुक्रवार मध्यरातमा गएको भूकम्पमा परी कर्णालीका दुई जिल्लामा ठूलो मानविय र भौतिक क्षति पुगेको छ ।

जाजरकोट र रुकुम पश्चिममा गरी १५३ जनाको मृत्यु हुँदा ३३८ जना घाइते भएका थिए । त्यसमध्ये पनि पछिल्लो अपडेट अनुसार २४३ जना अहिले उपचार पछि डिश्चार्ज भएका छन् ।

घाइतेहरुको भेरी अस्पताल नेपालगञ्ज, मेडिकल कलेज नेपालगञ्ज, प्रदेश अस्पताल सुर्खेत, सम्वन्धित जिल्ला अस्पतालहरु, काठमाडौंको टिचिङ अस्पताल, ट्र«ा सेन्टर खजुरा सुर्खेत लगायतका स्थानमा उपचार भएको थियो ।

भ्ूकम्पमा परी प्राथमिक उपचार गर्नेहरुको संख्या झण्डै हजार हाराहारीमा भएपनि अस्पतालमै ल्याएर उपचार गराएकाहरुको संख्या भने ३३८ जना रहेको गृह मन्त्रालयले जारी गरेको पछिल्लो भूकम्प सम्वन्धी अपडेटमा उल्लेख छ ।

ज्समध्ये पनि २४३ जना अस्पतालबाट डिश्चार्ज भईसकेको गृहले जनाएको छ । अब भूकम्पका घाइतेहरु मात्र ९५ जना विभिन्न अस्पतालमा रहेको गृह मन्त्रालयले जनाएको छ । जसमध्ये ८ जना घाइते गम्भीर छन् । ३३ जना मध्यम खालको र ५४ जना समान्य अवस्थामा रहेको गृहले जनाएको छ ।

उद्धारका कार्य सकिएकोले अब घाइतेको संख्या र मर्नेहरुको संख्या नबढने बताइएको छ ।

हेर्नुहोस भूकम्पबारेको पछिल्लो विस्तृत अपडेट