महोत्तरी । महोत्तरीको औरही नगरपालिकाका पाँच किशोरी एकैसाथ वेपत्ता भएका छन् । उनीहरु आफै योजना बनाएर घरबाट निस्केको र परिवारसँगको सम्पर्कमा नरही वेपत्ता भएको प्रहरीले जनाएको छ ।

यसरी वेपत्ता हुनेमा औरही नगरपालिका –२ की १६ वर्षीया बसन्ती सदा, १६ वर्षीया प्रतिमा सदा, १८ वर्षीया संगीता सदा, १५ वर्षीया राजन सदा र २० वर्षीया रूवी सदा हुन् ।

मंगलबार दिउँसो साढे ११ बजेदेखि उनीहरु सम्पर्कमा छैनन । महोत्तरीका प्रहरी प्रमुख प्रहरी उपरीक्षक प्रकाश मल्लले दिएको जानकारी अनुसार, उनीहरुमध्ये एक जना मात्रै हिजो परिवारको सम्र्पकमा आएको र फेरि सम्पर्कबिहिन भएका छन् ।

‘उनीहरु ५ जना नै घरबाट निस्केका हुन् । कतै कुनै कामका लागि गएको हुनसक्ने हाम्रो अनुमान छ । एकजनाले हिजो आमालाई फोन गरेर चिन्ता नलिनु हामी सुरक्षित छौं भनेकी थिइन् । त्यसपछि फेरि मोबाइल स्वीच अफ छ’, एसपी मल्लले भने, ‘खोजतलास गर्दैछौं ।’