काठमाडौं । उर्जासचिव दिनेशकुमार घिमिरेको राजीनामा स्वीकृत भएको छ । बिहिबार बिहान सिंहदरवारस्थित प्रधानमन्त्री तथा मन्त्रिपरिषद्को कार्यालयमा बसेको बैठकले घिमिरेको राजीनामा स्वीकृत गरेको हो ।

घिमिरे एक वर्ष अगाडी मात्रै पून दोहोराएर उर्जा मन्त्रालयको सचिवको जिम्मेवारी सम्हाल्न आईपुगेका थिए ।
त्यस भन्दा अगाडी पहिलोपटक ऊर्जा मन्त्रालयको सचिवका रूपमा २०७५ पुस ९ गते उनले कार्यभार सम्हालेका थिए ।
घिमिरे विशेष गरी नेपाल–भारत जलस्रोत तथा ऊर्जा क्षेत्रमा वार्ता गरी नेपालको पक्षमा भारतलाई सहमत गराउन सिपालु मानिने उर्जा विज्ञहरुको भनाई छ ।

उनले विद्युत् विकास विभागको महानिर्देशकको समेत जिम्मेवारी सम्हालेका थिए ।